محمد وكيداهم

طبعا عارفين ان الحسناء كيداهم على وش شبكة وعاملة عروسة بقى


اوضة كيداهم........النور مطفى وعبد الحليم بيغنى جانا الهوا جانا و لواحظ قاعدة هيمانة وماسكة الموبيل يمكن عريس الغفلة يتصل بس ده برضه مايهزش فى كيداهم الجبارة شعرة




كيداهم :مااااااااااماااااااااا



الام:ايه يا بت رعبتينى ربنا ينتقم منك



كيداهم :هو زعيم التتار مش ناوى يلبس دبل ويشبكنى رسمى بقى ولا هيفضل داخل خارج عليناكده زى الدبانة



الام:هههههههههه يقطعك يا موكوسة اوام هتموتى على الواد مش ده اللى كان كوخة وريحته زيت قلية



كيداهم :لالالالا انتى دماغك راحت فين يا ام كيداهم انا بس عاوزة ارتاح منكم مش حبا فى المنيل محمد ده



(بتحاول تدارى مشاعرها ناحيته احسن تبان ضعيفة ولا حاجة اصلها مفترية شوية )




الام:خلاص اهمدى بقى هو اتفق مع ابوكى يلبسك الشبكة يوم الجمعة الجاية على الضيق كده




كيداهم :يومه اسود زى كف ايده سى محمد المزحلق بتاع بنزين ورا يا اسطى

بقى انا اتشبك على الضيق وكمان من غير ما اختار شبكتى......عن اذنك يا ماما انا هتصرف


الام:ربنا يستر عليك يا بنى وتطلع سليم من تحت ايدها




تررررن تررررررررن
(كيداهم ضحت برصيد الموبيل وطلبته )






محمد يفتح عليها) أفتح الكابوت يا ابن المتضايقة وشوف الزبون وريحه



كيداهم : نعم يا اخويا
محمد:الوووو لا يا شكمان قلبى مش انتا يا جميل



لكيداهم:احترم نفسك يا موتور احلامى
محمد:ههههههههه والله عسل يا دودو



لكيداهم :طب سيب عشة الفراخ اللى انتا فيها دى وركز معايا بقى عشان ما اقلبهاش عليك

محمد:خير يا كيداهم انا زعلتك فى حاجة؟
لكيداهم:هو انتا تقدر يا سبعى



بص بقى يا أما انزل انا وانتا نختار الشبكة وبلاش حماتى تديك فى حقن تحت الجلد يا أما تنسانى يا مودى للابد اهىء اهىء اهىء اهىء انا اعصابى تعبانة ومحدش حاسس (فتكات بتعيط!!!!!!!!)


محمد:طيب وحياتى عندك لو كان ليا عندك خاطر...... ما تعيطيش يا دودو قلبى



لكيداهم هو عامل فيها انغام ولا ايه بس كويس البصلة جابت نتيجة ) المهم يا مودى قلت ايه؟( خلصنى بقى صحيح رغاى زى امك بهية المستخبية)




محمد:لالالا انا هشوف الموضوع ده مهما كان ده حقك ودى شبكتك برضه وهنجيبها سوا يا دودو ولا تزعل يا جميل



كيداهم :طب يامومو انا هسيبك بقى عشان اتخنقت وما تنساش تشحنلى الموبيل مش هصرف عليك من اولها



محمد:من عنيا الجوز وايدى اللوز.......يا محلول جلوكوز



لكيدام يخرب بيت ملافظك) تسلم ايدك يا مومو وما تنساش تغسلها قبل ما تاكل بدل ما تتسم من الهباب بتاع العربيات ومالحش اجيب حتى دبلة خشب وابقى ارملة
محمد:ههههه سكر والله يلا خلى بالك من نفسك سلام




كيداهم (تقفل السكة معاه)وتروح تفرح والدتها وتقولها اعملى حسابك هنروح نشترى الشبكة بكرة




الام:اروبة زى اللى خلفك ياعينى عليك يا محمد انتى لو مش بنتى كنت قلتله اصرف نظر يابنى وشوفلك واحدة تانية




(اشتروا الشبكة و كيداهم لبستها الحمد لله واليوم عدى على خير من غير اى خساير وكيداهم كانت زى الحمل الوديع ما هى العروسة بقى وبذكائها اشترت كل اللى نفسها فيه بالرغم من ان ام محمد ا كانت هتتشل من كتر المصاريف اللى صرفتها وحطت فتكات فى دماغها خلاص)




محمد :احمممم عمى بمناسبة اليوم اللى زى القشطة ده لو ممكن يعنى اخد كيداهم اعشيها بعد اذنك



الاب وهو مجعوص اوى وفارد نفسه على الكرسى وعامل ديك رومى )والله يا محمد يا بنى انا معنديش بنات تخرج مع واحد غريب ....هو ده اللى عندى




الام:يوه يا متولى ماهى بقت خطيبته يا حج
كيداهم عليا النعمة ان ما رضيت يا متولى هشغل السخان عليك مية بتغلى وانتا فى الحمام )وتبتسم لابوها ابتسامة صفرا وهاين عليها تديله بالبوكس



محمد ينظر لحناطة اخو كي داهم وهو قاعد زى برميل الطرشى وهاجم على علبة الشيكولاتا وقضى عليها ) ايه رايك يا عم متولى ناخد الامور حناطة معانا واهو يتعشى معانا انا شايفه خاسس كده وما بياكلش



حناطة:هييييه هتعشى .......خلينى اخرج مع ابيه محمد يا بابا



الام:خلاص بقى يا متولى ورحمة المرحومة امك ما تكسف محمد



(واتنهد ابو كيداهم وسكت شوية)



محمد مااااااشى يا متولى بيه ورحمة امك بكرة اتجوزها واخليك تشوفها مرة فى العيد الصغير ومرة فى العيد الكبير)




الاب بكل تناكة)هاااااااااا طيب عشان خاطر حناطة ما يزعلش واكسر بخاطره روحوا اتعشوا بس ماتتأخروش



كيداهم :تبتسم اوى وتبص لمحمد وهى فى منتهى السعادة (اظاهر انها حبيته بحق وحقيقى)
.............المهم محمد واقف على باب الشقة هو و كيداهم وامها مستنين اللورد حناطة عقبال ما يتشيك ويمسح لحوسة الشيكولاتا اللى مغطية وشه المنتفخ من كتر الحشر عمال على بطال



الاب بشويش وماسك ودن حناطة)افهم يا جذمة يا ابو مخ عجالى انتا تمشى فى وسطهم وما تسبش ايد اختك واوعى الواد محمد يمشى جمبها لو فكر يمسك ايدها عضه واجرى كأنك بتلغ حتة لحمة وعايزك تغتت وترزل عليه عشان يحرم يقول اخرجها تانى ........يلا غور من وشى تتك نيلة وانتا شبه امك
حناطة متنح ومبلم ومدلدل رقبته وبيسمع الوصايا العشر من ابوه) ما تقلقش يا بابا انتا ما خلفتش الا حناطة اعتبر نفسك باعت اسد معاهم........بس انا اخاف كيداهم تضربنى؟




الاب:امشى بس يلا بسرعة وما تخفش هى عاملة فيها فاتن حمامة النهاردة ومش هتضربك قدام


المحروس (محمد وكيداهم وحناطة نزلوا من البيت واتمشوا على الكورنيش شوية وحناطة عامل زى حرس الحدود ومحمدهاين عليه يربطه فى ماسورة ويحدفه فى النيل هههههههههه)
محمد:ها مبسوطة يا كيداهم ؟




كيداهم :تبص لحناطة وتقول محمد اة اوى هتطق من الانبساط يا مومو




محمد:المهم اننا مع بعض يا دوو قلبى
لكيداهم:دودو قلبك!!!!!ده دلع ده ........طيب تسلملى يا زعيم التتار



صحيح يا مومو ما فكرتش تحلق المقشة اللى سدة مناخيرك دى قبل كده.......ده حتى غلط على التنفس لاحسن تموت فطصان ولا حاجة


محمد:لالالالالالالالا عمرى ده انا اموت بحسرتى (ويبصلها ويبتسم فى حين ان الاخ حناطة ملهى فى كيس الفيشار اللى جابهوله محمد عشان يرتاح من رزالته) ده شياكة يا دود عشان ابقى شبه اللى اسمه يحيى ده يا لموسة قلبى

لكيداهم :اتلم يا محمد بدل ما اخد حناطة واروح وخليك بقى حب فى شنبك يا بتاع لميس انتا
محمد:ورحمة ابويا ورحمة ابويا كمان مرة انتا بتغير عليا يا جميل




كيداهم لاقت ان الموضوع هيقلب رومانسية وهى طبعا بميت راجل ....اسد يعنى) كشرت وقالتله :هتعشينا ولا اخد الواد وامشى واخليك تجرى ورايا والناس تتلم واقولهم بيعاكسى
وتاكل علقة تنسيك اسم المرحوم ابوك




محم بمنتهى الاذبهلال)ايه يا كيداهم قلبتيها اخبار حوادث ليه كده .......يلا ياستى نتعشى انا مش مستغنى عن عمرى
كيداهم رجالة ما تجيش الا بالسك)




(ومحمد اختار مطعم شيك اخر حاجة عشان خاطر عيون الساحرة كيداهم متولى ودخلوا المطعم والغلبان محمد بيرسم فى خياله اول عشا رومانسى زى ما بيشوف فى الافلام)






لكن ما خفى كان أعظم وربنا يعينك على ما بلاك يا محمد
استنونى المرة الجاية ههههههههههههههههههههه

--------------------------------------------------------------------------------

الحلقة الرابعة






(طبعا محمد وكيداهم والاخ حناطة اتزقلوا فى البوكس بمنتهى الرقة زى الفراخ........وفى الطريق لقسم الشرطة عبده قاعد منكسر ورأسه فى الارض ما هو عارف اللى هيجراله وقدامه كيداهم وحناطة وجمبه الباش شويش عبد الله)

كيداهم :روق بقى يامحمدولا يهمك انا معاك ......لو سمحت يا شاويش ممكن اتصل ببابا على الموبيل عشان يجيب اكبر محاميين فى البلد محمد ويحصلنا على القسم(طبعا بابتسامة بريئة)



الشويش:ممكن طبعا يا مدمازيل بس طوالى احسن حسام باشا يزعق



محمد :بقى ابوكى متولى هيجيب اكبر محاميين فى البلد ان ما جه وجاب معاه صبى محامى ما ابقاش انا محمد



حناطة:ماتتريقش على ابويا مش كفاية قتال قتلة ومستحملينك

كيداهم :عيب يا حناطة ابيه محمد متوتر واعصابه بايظة دلوقتى.......وقامت طلبت ابوها على الموبيل :ايوة يابابا تعالى بسرعة احنا فى القسم وهات محامى معاك محمد ممكن ياخد اعدام هنحاول نخليه اشغال شاقة مؤبدة ربنا يستر وراحت قفلت السكة ع طول



محمد:منك لله يا بعيدة جبتيلى نصيبة وانا قاعد اعدام ايه ربنا ينتقملى منك يا شيخة



كيداهم :ايوة يا حبيبى افرض الراجل الجرسون مات لقدر الله من الضربة مش انتا هتروح فى داهية برضه
محمد:واروح انا ليه ما تروحيش انتى ليه مش انتى اللى كسرتى دماغه بالجذمة بتاعتك



كيداهم :ايوووووة عليك نور يا حبيبى بالجذمة ومين جاب الجذمة دى مش انتا ياكوتو موتو يبقى انتا اللى قتلته يا مودى وخلى بالك انا هاشهد بكده فى القضية الحق حق ما تزعلش منى .......(تبصله بحنية وكأنها هتعيط بس اما تتشنق هتوحشنى يا محمد مالحقتش افرح بيك واسعدك)



حناطة:هخههخهخهخهخهخ.....ويعل قوه فى المشنقة زى الفرخة الدايخة ويبقى محمد ابو رجل مدلدلة(واترمى حناطة فى ارضية البوكس من كتر الضحك)
محمد وعنيه بتطق شرار .......ورحمة ابويا ان ما سكت انتا واختك هقتلكوا بجد ويبقى اعدام بحق وحقيقى يا ولاد متولى)
الشويش:اكتم يا متهم منك لها له احسن اعرفكوا شغلكم



كيداهم :يرضيك يا شويش ابقى متشعتفة عليه وهعيط وشايلة هم جنازته اللى كمان كام يوم وهو بيتريق على بابى؟



محمد:نعم يا اختى بابى!!!!!انتى مفكرة ابوكى وزير النقل ده كمسرى قطر درجة تالتة
كيداهم :احترم نفسك.... الله يرحمك يا عم شلبى يابتاع المراجيح اخخخخخخخ



محمد:اتلمى يا كيداهم فى ليلتك
كيداهم وتتنهد بشويش)طيب هتلم هنفذلك اخر طلب ليك فى حياتك قبل الاعدام يا بيبى هههههههههه



حناطة:هاهاهاهاها....... احسن اهو اتعشينا ببلاش وخلصنا منه فى نفس اليوم
محمد نيم حناطة على الارض ومسك ايده وعضه وحناطة يصووووووووت )انا هقتلك يادرفيل انتا واخلص الدنيا من اذاك

الشويش:بسسسسسسسس يلا اتجروا انزلوا وصلنا وما اسمعش حس حد فيكم جوه الا لما حسام باشا يسأله



(دخلوا جوه فى مكتب الظابط حسام اللى هو نرفوز جدا ومراته دايما منكدة عليه عشته .........كيداهم ومحمد وحناطة واقفين فى منتهى الادب قدامه )



الظابط حسام:ها ايه يا سىمحمدمش عيب عليك وانتا طويل واهبل كده وتعمل اللى عملته فى مطعم محترم


كيداهم :اخخخخخ اخيرا لاقيت اللى يقدرك يا عبودى
الظابط:عملت كده ليه يا اخويا؟ انطق



محمد:ما هو اصل يا بيه كنت عازم خطيبتى دى هى والجحش اخوها ده على العشا وطلبوا المحل كله وانا مكنتش عامل حسابى
الظابط:واما انتا مش متهبب عامل حسابك بتتنيل تعزمها ليه من الاول؟



محمد:غلطة عمرى يا باشا ومش هتتكرر ده ان ما سبتهاش اصلا وارتحت من بلاويها



كيداهم:هتسيبى يا عبده مكنش العشم وانا اللى جاية اشهد معاك قدام النيابة واخفف الحكم
الظابط بزعيق وعصبية)بس يا اختى ولا اروح اجيبلك منديل تعيطى على المحروس بتاعك
محمد احسن .....يارب ياخدها حبس انفرادى 48 ساعة)
(وصل الاستاذ متولى والست بهية ام محمد وام كيداهم.......ومن الخضة يا عينى جايين يجروا ورا بعض ولا كأنهم فى الاوليمبيات )


الست بهية:ياحبيبى يا بنى يالهوووووووووووى هيعدموك يا محمد
يا نور عينى اهىء اهىء اهىء اهىء(وتعييييط ماهى مفكراه هيتعدم بقى)



الظابط:ياستى اهدى
الست بهية:سبنى يا اخويا ده الحيلة .........ده انا جبته بعد شوقه ده جالى على كبر(وتحضن محمدوتعييييييييييط)



الظابط:ياستى افهمى الموضوع الاول
الست بهية:افهم ايه؟ هيشعلقوك فى المشنقة يا ضنايا يالهووووووووووووووووووووى وتعييييييييط
ده يوم ما ولدته ندرت للغلابة فول وعرق سوس وكنت هموت من فرحتى بيه وابوه مرجح عيال الحتة ببلاش اسبوعين




(الظابط حسام اتخنق وحط ايده على راسه وسبها تخلص وصلة الرثاء على روح المرحوم عبد المتجلى)
محمد: (بص للظابط وقاله معلش يا باشا ثوانى انا هفهمها واسكتها) بس بقى يا أما فضحتينى قدام الحكومة انا كويس ومش هتعدم ولا حاجة



محمد:صحيح يا حبيبى.....أمال اللى تتشك فى لسانها خطيبتك قالت لنا كده ليه
كيداهم شدت محمد من القميص )على فكرة لو كملنا مع بعض امك دى مش هتنفع معايا
الظابط وكان خلاص مش طايق يسمع صوتهم ورغيهم)ها يا حيلة فهمت الست الوالدة ولا اخرج واجيبلكم اتنين عصير واما جنابك تفضى ابقى اندهلى اكمل تحقيق فى يومك الاسود

محمد:لا يا باشا انتا تؤمر كمل سياتك
الست بهية اللى يضرب فى قلبه ده بيزعق للواد كده ليه)ما براحة يا ابنى ما هو زى اخوك برضه
الظابط:نعم.....اخويا وانا لو ليا اخوات هياكلوا فى مطعم ويضربوا اصحابه ويجروا زى المحروس ابنك



الست بهية:اة وغلاوتك كنا هنقدمله فى كلية الظباط بس هو راح قدم من ورا المرحوم ابوه فى الدبلون ....أل ايه دى رغبتى وده مستقبلى يا بابا
كيداهم :ايوة يا حضرة الظابط اصل المرحوم حمايا كان رئيس مراجيح مولد النبى وكان عاوز يشوف مودى مقدم اول فى مولد السيدة هههههههه



الاستاذ متولى:كيداهم عيب كده احترمى الباشا بلاش انا ...انا وامك واخدين على كده



الظابط خلاص طق منهم وعاوز يخرجهم من وشه بأى طريقة والسلام
الظابط:بسسسسسسس اسكتوا بقى
انتا يا محمد احنا هنقفل المحضر ودى والراجل الجرسون طلع ابن حلال وسامح فى حقه لانك صعبت عليه بس لازم تدفع الحساب اللى عليك
وابقى خلى عندك دم وروح زور الراجل اللى مرمى فى المستشفى مكسر من عماليك


محمد:الف الف شكر يا حكومة يعنى اقدر اروح يا باشا؟


الظابط:اة يلا غور فى داهية ونصيحة منى اما خطيبتك تعمل كده فى واحد فكر بس يضربكم
هتعمل معاك ايه اما تتجوزوا يا فالح وان شفت وشك تانى انتا ولا هى هحبسك يا محمد
(والشاويش قفل المحضر ودفع محمدباقى الحساب وربنه كرمه عشان هو نيته صافية )
وخرجوا كلهم بره على باب القسم واتمشوا لغاية البيت



ام كيداهم:يا حبيبتى يابنتى قلبى كان واكلنى عليكى اما سمعت من ابوكى كنت هتجنن
الست بهية:لا يا ام كيداهم ما تخفيش يا اختى عليها اهى زى الفل بس كانت هتجيب لابنى نصيبة بعمايلها(وتبتص لكيداهم وهاين عليها تدب صوابعها فى عنيها )
حناطة:بابا بابا هو ابيه محمد مش هيتشنق خلاص؟
الاستاذ متولى:لا يا حناطة ابيه محمد عاوز راحة اسبوعين ونعمله طاسة الخضة



حناطة:يا خسااااااااااارة كان نفسى يتشنق عشان ناكل قرص وبيض على روحه اما يموت
الست بهية:ما تلم ابنك يا سى متولى ...ده الملافظ سعد يا اخويا



الاستاذ متولى:حقك عليا انا يا ست بهية وماتزعلش يا محمد يا بنى من كيداهمدى قلبها ابيض بس هى عصبية شوية
الست بهية:عصبية على نفسها يا اخويا مش تموت ابنى اللى حيلتى



كيداهم خلاص يا بهية جبتيه لنفسك اصبرى بس عليا اما يتقفل علينا باب واحد وانتى تعرفى مين كيداهم متولى)
محمد بكل ادب وذوق)ولا يهمك يا عم متولى انتو اللى حقكم على رأسى ودى غلطتى ماعملتش حسابى على العزومة

حناطة اقرع ونزهى اخخخخخخ.... بصوت واطى طبعا لان لومحمد كان سمعه كان من حقه يموته فعلا المرة دى هههههههههههه)
كيداهم واخده جمب وزعلانة من محمد ومش عاوزة تبص فى وشه.............شوفتوا الافترا أل هى اللى زعلانة)



محمد وبيراضى الاستاذ متولى وبيهدى والدته يعنى بيلطف الجو .......وهو مش ناسى اللى حصل وعاوز ينتقم من لوزة قلبه الغالية)
يا عم متولى انا دلوقتى واحنا ماشيين فى الشارع اهو بستأذنك نعجل فى الفرح ويبقى الشهر الجاى والحجة موافقة


كيداهم :بصتله وبرأت عنيها من المفاجأة وما قدرتش تفتح بؤها بكلمة
(ابوها ما صدق لانه لو كان رفض كان ممكن تتفشكل الخطوبة خالص والكل روح البيت وهما مبسوطين



الا محمد اللى قعد يفكر ازاى هينتقم من كيداهم ويعلمها الادب بعد ما تبقى حرمه المصون






الفرح جميل جميل اوعوا ما تجوش وتشوفواكيداهم ومحمد فى الكوشة ثم الى قفص الزوجية الحديدى الى الابد

هههههههههههه بس هى اسكها كيداهم ولا لواحظ ولا فتكاات