كل واحد يسجل حالتو النفسية

أظن اللعبة مفهومة جدا وهى بسيطة جدا
كل عضو يدخل يقول هو حاسس بأية دلوقتي
ولو عندة مشكلة حد يحلها على السريع بأسلو ب ظريف لطيف يمكن نخرجة من مشاكلة ونتكلم مع بعض شوية وندردش

وأنا مثلا هابتدى بنفسى
انا حالتى النفسية دلوقتى حسا برضا وف نفس ذات الوقت بخوف هاتقلولى خوف من اية اقولك ياسيدى مش عارفة احدد بالظبط يمكن خوف من المستقبل . او خوف من شئ ما على رأى فيلم (شئ من الخوف) Rolling Eyes

طيب الحمد لله انتي حاسه برضا دي حاجه كويس حاسه بخوف بقي دي علاجها بسيط متشليش الدنيا علي قلبك و سيبي المستقبل ده لربنا يمكن متعرفيش ربنا شايلك ايه يمكن خير كتير اوي و ربنا بيقول اني عند ظن عبدي يعني خليكي متفائله

ان بقي الحمد لله نفسيا مرتاح
بس فيه حاجه في طبيعتي مش لاقيلها حل بجد لحد دلوقتي

بتنرفز في لحظه و ببقي عصبي بطرييقه محصلتش بجد
دلوني اعمل ايه يا دكاتره

هههههههههههه بص ياسيدى اول ما تلاقى نفسك هاتتعصب اوى عندك حل من كذا حل يأما تسيب المكان اللى انت فية يأما تخش تاخدلك حمام دش بارد دة لو انت ف البيت يعنى
يأما تتمشى كتير على فكرة المشى احسن طريقة تهدى بها نفسك

طب انا حاسس بلا مبالاه

وكل حاجه عندى عاديه سواء حاجه غاليه او مش غاليه

دى بقى علاجها ايه

علاجها ان هايجى يوم يبقى حد عندك غالى وهاتحس اد اية انو غالى عندك وتفكر الف مرة قبل ما تزعلو والحالة دى عشان انت لسا مصدفتش حد تحبوا بجد

عايزه اقول لعمرو انه بيحس بالا مبالاه دى عشان معندوش ثقه ف اى حد
وده اللى انا لاحظته

انا بقه مش حسه بحاجه غير شوية ضيق كده من الشغل وقلق بسيط من المستقبل
بس عادى انا بعمل زى ماجاجوار بيقول انى بسيبها ع ربنا وانى واثقه ف ربنا جدا انه شايلى الاحسن دايما

عشان كده الحمد لله مرتاحه

ربنا يكرمك يا مني كده يا رب و اشوفك دكتوره مش مهندسه
بس عاوز اقولك كمان اني بدرس خدمه اجتماعيه وبدرس سلوك الافراد و المفروض اني بساعد الناس علي انهم يحسنوا عملم و معاملتهم انما تقولي ايه باب النجار مخلع و فيه حاجه هقولك عليها بجد لو حد عصبني و مسكت نفسي و مزعقتلوش و فضلت ساكت كده و هو مش راضي يسكت بيزعق او بيضايقني ممكن يغمي عليا لو مسكت نفسي شويه كمان لحد دلوقتي اي حد يبنرفزني بتعصب عليه وفي لحظه باخد قرار ممكن يكون ضدي يعني ممكن و انا عصبي كده اجي قايل للي متعصب عليه ده خلصت معاك كده و اسيبه و امشي بس برجع بعدها اراجع نفسي انما حكايه اني امسك نفسي دي وقت الغضب مش لاقي ليها حل مع اني عارف ان ليس الشديد بالسرعه و لكن الشديد من يملك نفسه عند الغضب

jaguar11 كتب:

ربنا يكرمك يا مني كده يا رب و اشوفك دكتوره مش مهندسه
بس عاوز اقولك كمان اني بدرس خدمه اجتماعيه وبدرس سلوك الافراد و المفروض اني بساعد الناس علي انهم يحسنوا عملم و معاملتهم انما تقولي ايه باب النجار مخلع و فيه حاجه هقولك عليها بجد لو حد عصبني و مسكت نفسي و مزعقتلوش و فضلت ساكت كده و هو مش راضي يسكت بيزعق او بيضايقني ممكن يغمي عليا لو مسكت نفسي شويه كمان لحد دلوقتي اي حد يبنرفزني بتعصب عليه وفي لحظه باخد قرار ممكن يكون ضدي يعني ممكن و انا عصبي كده اجي قايل للي متعصب عليه ده خلصت معاك كده و اسيبه و امشي بس برجع بعدها اراجع نفسي انما حكايه اني امسك نفسي دي وقت الغضب مش لاقي ليها حل مع اني عارف ان ليس الشديد بالسرعه و لكن الشديد من يملك نفسه عند الغضب

كنت هايل ياعمرو فى الرد بتاعك بس عايز اسالك سؤال

هى الطياره فيها كلاكس

ههههههههه

مش عارف ليه بحب ارخم على عمرو ولله ماعارف لحد دلوقت

خلاص انت يا عمرو تبقى المسئول عن مشاكلنا بعد كده مالناش دعوه

ولا انتو تدرسو خدمه اجتماعيه وفلسفه وعلم نفس واللى يدرس طب والاخر مش ينستفاد منكم

لازم نستغلكو هههه

يا ستي انا تحت امركم كلكم بس هاتولي انتوا بس الحالات

بالنسبه بقي الطياره فيها كلاكس دي والله مش عارف لسه هبقي اسال و اقولك يا ظريف هقولك ايه ما انت فاااااااااااااااضي و رخم

ايه ياجاجور اللى انت بتقوله لفوقش ده
مش مهم انتم كده وعمركم ماهاتتغيروا أبدآ

؟؟؟
؟؟؟
؟؟؟

انا بقة والحمد لله عندى من المشاكل مايكفى الناس أجمعين

بس أنا والحمد لله فرحان جد النهارده إنى خلصت جيش وكان أخر يوم ليا فى القوات المسلحه
شفولى حل أناعلى طول عمال أضحك مش عارف ليه

والنبى حد يشوفلى حل ليكون اتجننت ولا ايه.......

كان بدري عليك الجنان يبني بس متسكتش علي نفسك اكشف احسن تلسع اكتر من كده ما انا برضه استغربت لما لقيتك بتكلمني و انت بتضحك

هههههههههههه

قالولى كده برضوا

انا عاوز حل من حدا عاقل موثوق فيه

مش حد لاسع أصلآ

ربنا يخليك بس متبقاش تزهق مننا

ههههههههههههههههه يا مني ده قاصدني انا ههههههههههههههههههههههههه

انت جبت نت بقي و هتشتغلني يا بومبو

طب فرجني علي المشيه العسكريه

دا انا مش هاوريك المشيه العسكريه بس
دا انا هاواريك النجوم فى عز الضهر

بس اسكت يافرحه ماتمت انا قلبى مقبوض
سمعت ان فى اشتباك بين الجيش المصرى والجيش الإسرائيلى
وشكلى هايستدعونى للخدمه العسكريه تانى

قولى أعمل ايه يابمبو

ولا بلاش انت أى حد تانى يفيدنى برايه

ههههههههههههههههههه يا عم دي اشاعه باين الي بيقول اسرائبل و يقولوا البدو بس لو احتاجتني في اي حاجه عندك البندقيه الفالك و البي اس تحت امر معاليك يا كومنداني

ان شاء الله خير يا بومبو

أتمنى من الله ان تكون مصر على طول يا بمبو بخير
بس انت عارف ان لو حد فكر يمسها بأى حاجه
لا بد لخير أجناد الارض إنهم يردوا ويكون الرد موجع ليهم

على رأى الراحل الكبير أنــــور السادات
حرب أكتوبر كانت درس( موجع )لإسرائيل

مش عارف افول ايه بس والله يا بومبو بس الي حصل في سينا ده حاجه مستفزه !!!

ربنا يعديها على خير ويسترها من عنده

» كل واحد يدخل يقووول احلى واحد اييه