غلبان ومش لاقى الحنان

تعالوا وشوفوا قد ايه احنا اكتر شعب مدلع فى العالم

ومش ناقصنا اى حاجه
..............................................................

هسألك سؤال يا غلبان انت ليه بحقك مابتطالبش

هاتقولى اصل يابيه الحق فى البلدى بغير الإيد مابيتاخدش

هاقولك اسعى ودور ولا انت اصلا ما بتدورش

هاتقولى يابيه دايخين من رغيف العيش للجمعيات للحمه اللى ما بتنشفش

ولا هاتقولى ابنى متخرج بقاله سنين وبيحلم بفرصه عمل وبغيرهل مابيحلمش

ولا نفسك تجهز بنتك بس مش قادر اصل الجهاز غالى ومبيرخصش

هاقولك ياعم سيبك وقولى اخبارك ايه فى الاكل ولا انت مابتاكلش

دا انت مشاء الله بتقبض يجى 100 لـــ 160 جنيه وكام قرش

يعنى تاكل وتشرب وكمان تعمل شوبنج واوعى تقولى انك مابتحوش

دا انت لازم تحوش دا هو دا وقت التحويش ولا انت ماتعرفش

دا كل حاجه ببلاش من مواصلات لجمعيات لمواصلات بس النفس مابتقنعش

تعرف يا غلبان ان انت سبب كل اللى احنا فيه وانت متعلافش

هاتقولى ازاى يابيه هاقولك استنى واسمع ماتستعجلش

هاقولك دانت بتاكل لوحدك يجى طقه فى اليوم وبتقولى مابتشبعش

هاتقول ما هو يابيه فى ناس بتاكل يجى 7 طقات وبرضو مابتشبعش

هاقولك مافى ناس مابتاكلش خالص وساكته مابتتكلمش

هاتقولى ازاى يابيه الناس دى مابتاكلش وساكته وكمان مابتتكلمش

هاقولك ياعم دول ماتوا من زمان والناس بخبر موتهم ماتعرفش

ياغلبان احنا لينا ربنا اللى عالم بينا اللى مابيظلمش

اما اللى بياكل حقنا فعليه ربنا اللى مابيغفلش


هذه بلدى كما تراها عينى

أرجوا من كل من قرأ هذه الكلمات ووجد فى بلدى غير ماكتبت

..فإنى أريد منه أن يلتمس لى العذر لأنى لم أجد فيها غير