حكايات جيبه

كانت سعاد حسنى الله يرحمها بتقول البنات البنات الطف الكائنات
وبما انى ىشاب مش هكدب سعاد حسنى بس هحكيلكوا واحكموا انتو البنات .......الكائنات؟؟؟؟؟؟
البنات ف الخطوبات
البنت الماديه
ودى ازبل البنات اللى الحلق لو مجاش ف الشبكه تعاير العريس بيه خمس سنين بعد الجواز ولو مكنتش الشقه تمليك وع الشارع ببلكونتين تبقى الجوازة دى مش ماشيه ودى بنت بتدور ع الظروف الماديه بس حتى لو اهلها شايفين ان مفيش مشكله هى تطلع ميت مشكله مش مهم ازا كانت مرتاحه للانسان ده ولا لا بتدور على مستوى اللى هتعيش فيه ودى اغبى البنات

البنت المتملقه
دى بتبقى حتة شكولاته طول الخطوبه ياحلاوتها ملهاش لسان وهاديه وعامله فيها بنت ناس اوى واول ما يتقفل باب الشقه يالهوى شوف الوش التانى يامعلم زباله وبقها بينقط سم تحس انك اتجوزت حيه بتعرف تاخد كل اللى هى عايزاه بالراحه وبنعوميه التعابين الله عليها دى اذكى البنات

البنت اللى على نيتها
يدخل عليها العريس بكلمتين حلوين وتسبلتين وانت قمر وانا مش عايز غيرك ياملاكى والبت هبله وخام ودول لسه موجودين وتصدق ياعين امها والواد يطلع عينها وعين امها بس خلاص بقى بترضى وتسكت واهى جواة والسلام

البنت كل همها تتخطب وتتجوز
وده بيبتدى بعد سن 25 بيبقى اى زفت والسلام ويلا هى حقنه وخلاص وياصابت يا اتنين عور

البنت العاطفيه
مبقوش كتير ان البنت تقتنع بالراجل وتحبه عشان تتمسك بيه بس لما بتبقى البنت بتحب بتسهل حاجات كتير ولو ع حساب نفسها ودى من اضعف البنات وغالبا الراجل بياخد ده بشكل سئ ومعامله اسواء ما هو مطمن البيه
البنت المتردده
ودى بتتخطب بدل المرة تلاته واربعه وكل ما تلاقى عيب ف حد تسيبه وتستنى غيره وعندها مبدأ ان مفيش راجل يستاهلها والرجاله على قفى من يشيل وغالبا ما بتتجوز اسواء من اتقدملها على اساس من كتر خطابها بارت

البنت الام
عايزا تبقى ام وخلاص دى بحب اشبهها بالارمله السوداء (دى عنكبوته بتلدغ جوزها وتموته بعد ما تخصب منه
)هى زيها بالضبط عايزا تتجوز ويبقى عندها اولاد والراجل اهو حارس شخصى وخلاص وبيصرف عليها هى وعيالها شفتوا اكتر من كده استنطاع

البنت اللى زهقانه من اهلها
غالبا محدش بيتقدملها كتير عشان كده اول حد بيدق الباب بتوافق على اساس ضل راجل ولا ضل حيطه واهو منها بيت جديد وعفش جديد وهدوم جديده وحياه هى بتتمنى تكون افضل من حياة اهلها وياعينى عليها موكوسه خلقه وحظها قليل وبتبقى طيبه عشان كده الراجل بيديها بالجزمه وبالسكت

البنت العاقله
مش كتار بس فيه ودى بتحسبها بعقل قوى ودى مش صح غالبا لان استحاله تمشى الجوازة زى ما هى حاسباها بتفكر ماديا اكتر من عاطفيا بس كمان لازم تكون مقتنعه انها صح وان اختيارها سليم بتفكر كتير وبتترد وبتحب تتضمن حقوقها الماديه وطول ما الراجل كويس معاها هى كويسه بس لو غلط فيها ولو بدون قصده بتبقى سنهته سودا اوى